രമ്യ ഹരിദാസിനെതിരെ മോശം പരാമർശവുമായി എ. വിജയരാഘവൻ

പൊന്നാനി: ആലത്തൂർ യു.ഡി.എഫ് സ്ഥാനാർഥി രമ്യ ഹരിദാസിനെതിരെ സ്ത്രീവിരുദ്ധ പരാമർശവുമായി എൽ.ഡി.എഫ് കൺവീനർ എ. വിജയരാഘ വൻ രംഗത്ത്. പൊന്നാനിയിൽ എൽ.ഡി.എഫ് സ്ഥാനാർഥി പി.വി. അൻവറിന് വോട്ടഭ്യർഥിച്ച് നടത്തിയ പൊതുസമ്മേളനത്തിൽ സംസാരിക്കുമ്പോഴാണ് വനിത സ്ഥാനാർഥിയെ വിജയരാഘവൻ അധിക്ഷേപിച്ചത്. പത്രിക സമർപ്പിച്ച ശേഷം കുഞ്ഞാലിക്കുട്ടിയെ കണ്ടതിനെ ചൊല്ലിയാണ് മോശം പരാമർശം നടത്തിയത്. വിജയരാഘവൻെറ പരാമർശത്തിനെതിരെ പ്രതിഷേധം ശക്തമാവുകയാണ്.