ഇന്നസെൻറ്​ ഇനി വേണ്ടെന്ന്​ സി.പി.എം പാര്‍ലമെൻററി കമ്മിറ്റി

തൃശൂർ: ഇന്നസ​െൻറിനെ വീണ്ടും ചാലക്കുടി ലോക്സഭ സീറ്റിൽ മത്സരിപ്പിക്കുന്നതിനെതിരെ സി.പി.എം ചാലക്കുടി ലോക്സഭ മണ്ഡലം പാര്‍ലമ​െൻററി കമ്മിറ്റി. ഇന്നസ​െൻറ് ഇനിയൊരു മത്സരം ജയിക്കാനുള്ള സാധ്യത കുറവാണെന്ന് അങ്കമാലിയില്‍ നടന്ന യോഗത്തിൽ അഭിപ്രായമുയർന്നു. പകരം, എറണാകുളം ജില്ല സെക്രട്ടറി പി. രാജീവിനെയോ മുൻ എം.എൽ.എ സാജു പോളിനെയോ പരിഗണിക്കണമെന്ന് പാര്‍ലമ​െൻററി കമ്മിറ്റി ശിപാര്‍ശ ചെയ്തു. ഇന്നസ​െൻറ് സ്ഥാനാർഥിയായാല്‍ പൂർണ ഉത്തരവാദിത്തം സംസ്ഥാന നേതൃത്വത്തിനായിരിക്കുമെന്ന് കമ്മിറ്റി മുന്നറിയിപ്പ് നല്‍കി. പാർലമ​െൻററി കമ്മിറ്റിയുടെ ശിപാർശ പ്രകാരമല്ല ഇന്നസ​െൻറിനെ വീണ്ടും പരിഗണിക്കുന്നതെന്ന് യോഗം ചൂണ്ടിക്കാട്ടി. ഇതോടെ ഇക്കാര്യത്തില്‍ അന്തിമ തീരുമാനം വെള്ളിയാഴ്ച ചേരുന്ന സി.പി.എം സംസ്ഥാന സെക്രട്ടേറിയറ്റ് സ്വീകരിക്കും. കോണ്‍ഗ്രസിലെ പി.സി. ചാക്കോയെ 13,884 വോട്ടിന് പരാജയപ്പെടുത്തിയാണ് 2014ൽ ഇന്നസ​െൻറ് ചാലക്കുടിയിൽ വിജയിച്ചത്. സ്ഥാനാർഥിയായത് പോലെ അപ്രതീക്ഷിതമായിരുന്നു വിജയവും. താൻ വീണ്ടും മത്സരത്തിനില്ലെന്ന് തീർത്ത് പറഞ്ഞ ഇന്നെസൻറ് ഫെബ്രുവരി 19ന് നിലപാട് മാറ്റി പാർട്ടി പറഞ്ഞാൽ മത്സരിക്കും എന്നായി. മറ്റൊരാളെ മണ്ഡലത്തിൽ പരിഗണിക്കുന്നത് ഗുണമാവില്ലെന്ന് സംസ്ഥാന നേതൃത്വം കരുതുേമ്പാൾ പ്രാദേശിക ഘടകത്തി​െൻറ നിലപാട് മറിച്ചാണ്. രണ്ടാമൂഴത്തിന് പരിഗണിക്കപ്പെടുന്നുവെന്ന് വന്നതോടെ ഇന്നസ​െൻറ് വീണ്ടും ശ്രദ്ധാകേന്ദ്രമായിരിക്കുകയാണ്. അതേസമയം ത​െൻറ സ്ഥാനാർഥിത്വത്തിനെതിരെ സി.പി.എം പാർലമ​െൻററി പാർട്ടി ഉയർത്തിയ എതിർപ്പ് വക വെക്കുന്നില്ലെന്ന് ഇന്നസ​െൻറ് എം.പി. പാർട്ടി പറഞ്ഞാൽ മത്സരിക്കും. എവിടെ മത്സരിക്കണമെന്ന് പറയേണ്ടതും പാർട്ടിയാണ്. കാത്തിരുന്ന് കാണാമെന്നും ഇന്നസ​െൻറ് മാധ്യമ പ്രവർത്തകരോട് പ്രതികരിച്ചു.