എൽ.ഡി.എഫ് ജാഥക്ക് സ്വീകരണം

വടക്കാഞ്ചേരി: എൽ.ഡി.എഫ് ബഹുജന റാലിയുടെ പ്രചാരണാർഥം എൽ.ഡി.എഫ് ജില്ല കമ്മിറ്റി സംഘടിപ്പിച്ച പ്രചാരണ ജാഥക്ക് ഓട്ട ുപാറയിൽ സ്വീകരണം നൽകി. സംഘാടക സമിതി ചെയർമാൻ വി.ജെ. ബെന്നി അധ്യക്ഷത വഹിച്ചു. ജാഥ ക്യാപ്റ്റൻ എം.എം.വർഗീസ്, അംഗങ്ങളായ എ.ഐ.ടി യു.സി.ജില്ല സെക്രട്ടറി കെ.ജി. ശിവാനന്ദൻ, ലോക് താന്ത്രിക് ജനതാദൾ നേതാവ് യൂജിൻ മൊറേലി തുടങ്ങിയവർ സംസാരിച്ചു. വൈസ് ക്യാപ്റ്റൻ കെ.കെ. വത്സരാജ്, മാനേജർ എ.വി.വല്ലഭൻ, എൽ.ഡി.എഫ് നേതാക്കളായ എ.പത്മനാഭൻ, സേവ്യർ ചിറ്റിലപ്പിള്ളി, എം.ആർ. സോമനാരായണൻ, മേരി തോമസ്, കെ.കെ. ചന്ദ്രൻ തുടങ്ങിയവർ പങ്കെടുത്തു. സംഘാടക സമിതി കൺവീനർ പി.എൻ. സുരേന്ദ്രൻ സ്വാഗതവും ട്രഷറർ വി.സി. ജോസഫ് നന്ദിയും പറഞ്ഞു.