ചൂൽപുറം നിവാസികൾക്ക് പുതുവർഷ സമ്മാനം; 30 വീടുകൾക്ക്​ കുടിവെള്ള കണക്​ഷൻ

ഗുരുവായൂര്‍: ചൂൽപുറത്തെ മാലിന്യ കേന്ദ്രം കാരണം ശുദ്ധജലം കിട്ടാക്കനിയായ ചൂൽപുറം - ഇരിങ്ങപ്പുറം നിവാസികൾക്ക് പ ുതുവർഷ സമ്മാനമായി കുടിവെള്ള പദ്ധതി. വാട്ടർ അതോറിറ്റിയുടെ കുടിവെള്ളം വീടുകളിലെത്തിക്കുന്ന പദ്ധതി തിങ്കളാഴ്ച ഉദ്ഘാടനം ചെയ്യും. ട്രഞ്ചിങ് ഗ്രൗണ്ടിനടുത്തുള്ള നാല്, 30, 31 വാര്‍ഡുകളിലെ 30 വീടുകളിലേക്കാണ് നഗരസഭയുടെ െചലവിൽ ഹൗസ് കണക്ഷൻ നൽകിയത്. നേരത്തെ പ്രഫ. പി.കെ. ശാന്തകുമാരി നഗരസഭാധ്യക്ഷയായിരിക്കെ ഈ പ്രദേശത്തുകാർക്ക് നൽകി‍യ ഉറപ്പായിരുന്നു വീടുകളിലേക്ക് കണക്ഷൻ നൽകുമെന്നത്. ഏഴ് ലക്ഷം രൂപ ചെലവിട്ടാണ് നഗരസഭ പദ്ധതി നടപ്പാക്കിയത്. തിങ്കളാഴ്ച രാവിലെ 10ന് കെ.വി. അബ്ദുൽ ഖാദര്‍ എം.എല്‍.എ ഉദ്ഘാടനം ചെയ്യും. ആക്ടിങ് ചെയര്‍മാന്‍ കെ.പി. വിനോദ് അധ്യക്ഷത വഹിക്കും. അടുത്ത ഘട്ടമായി ഈ പ്രദേശത്തെ 20 വീടുകൾക്ക് കൂടി കണക്ഷൻ നൽകാൻ പദ്ധതിയുണ്ട്. മാലിന്യകേന്ദ്രത്തി​െൻറ സാമീപ്യം മൂലം ഈ പ്രദേശത്ത് കിണർ കുഴിച്ചാലും ശുദ്ധജലം ലഭ്യമല്ലാത്ത അവസ്ഥയാണ്.