ആഘോഷമില്ലാതെ കുന്നംകുളം ഉപജില്ല കലോത്സവം

പെരുമ്പിലാവ്: കുന്നംകുളം ഉപജില്ല കലോത്സവം അക്കിക്കാവ് ടി.എം വൊക്കേഷനൽ ഹയർ സെക്കൻഡറി സ്കൂളിൽ തുടങ്ങി. എ.ഇ.ഒ പി. സച്ചിദാനന്ദൻ പതാക ഉയർത്തി. ഉദ്ഘാടന ചടങ്ങോ ആഘോഷങ്ങളോ ഇല്ലാതെയാണ് ഇക്കുറി കലോത്സവം നടക്കുന്നത്. ഹൈസ്കൂൾ, ഹയർ സെക്കൻഡറി വിഭാഗങ്ങളിൽ നിന്ന് 1,903 പ്രതിഭകളാണ് കൗമാര കലാമേളക്ക് മാറ്റുരക്കുന്നത്. 18 ഹയർ സെക്കൻഡറി സ്കൂൾ, 28 ഹൈസ്കൂളുകൾ പങ്കെടുക്കുന്നുണ്ട്. 114 ഇനങ്ങളിലായാണ് മത്സരങ്ങൾ. ബുധനാഴ്ച സമാപിക്കും.