അനധികൃത മദ്യവില്‍പന: തടവും പിഴയും ശിക്ഷ

ചാവക്കാട്: വീട്ടില്‍ അനധികൃതമായി മദ്യം സൂക്ഷിച്ച് വില്‍പന നടത്തിയ കേസിലെ പ്രതിക്ക് രണ്ട് മാസം തടവും ഒരു ലക്ഷം രൂപ പിഴയും ശിക്ഷ വിധിച്ചു. വാടാനപ്പള്ളി പുളിഞ്ചോട് ഒതനാച്ചന്‍ വീട്ടില്‍ വേലായുധനെയാണ് ചാവക്കാട് അസി.സെഷന്‍സ് കോടതി ശിക്ഷിച്ചത്. അഞ്ചര ലിറ്റര്‍ മദ്യമാണ് ഇയാളില്‍ നിന്ന് വാടാനപ്പള്ളി എക്‌സൈസ് പിടികൂടിയത്. പ്രോസിക്യൂഷന് വേണ്ടി കെ.ബി. സുനില്‍കുമാര്‍, കെ.ആര്‍. രജിത് കുമാര്‍ എന്നിവര്‍ ഹാജരായി. മദ്യം വിറ്റ കേസിൽ മുമ്പും ഇയാൾ ശിക്ഷ അനുഭവിച്ചിട്ടുണ്ട്.