കഞ്ചാവുമായി രണ്ടുപേർ പിടിയിൽ

തൃശൂര്‍: ദേശീയപാത കുതിരാനില്‍ സ്‌കൂട്ടറില്‍ കടത്തിയ ഒന്നേകാല്‍ കിലോ കഞ്ചാവുമായി രണ്ടുപേരെ തൃശൂര്‍ എക്‌സൈസ് ഇൻറലിജന്‍സും, തൃശൂര്‍ സ്‌പെഷല്‍ സ്‌ക്വാഡും ചേര്‍ന്ന് പിടികൂടി. നിരവധി ക്രിമിനല്‍ കേസുകളില്‍ പ്രതിയായ കരുവന്നൂര്‍ നെടുപുരയ്ക്കല്‍ ഷെമീര്‍, മൂര്‍ക്കനാട് ഷെഫീക്ക് എന്നിവരാണ് പിടിയിലായത്. പുതിയ രജിസ്ട്രേഡ് മോട്ടോര്‍ സൈക്കിളില്‍ കഞ്ചാവ് കടത്തിക്കൊണ്ടുവരുന്നത് പതിവാക്കിയ പ്രതികളെ രഹസ്യ നിരീക്ഷണത്തിലൂടെ പിന്തുടര്‍ന്ന് പിടികൂടുകയായിരുന്നു. എക്‌സൈസ് ഇന്‍സ്‌പെക്ടര്‍മാരായ സുമേഷ്, ഷാജി, പ്രിവൻറിവ് ഓഫിസര്‍ ഷിബു, മണികണ്ഠന്‍ തുടങ്ങിയവര്‍ പ്രതികളെ പിടികൂടിയ സംഘത്തിലുണ്ടായിരുന്നു.