വീടിന് നേരെ കല്ലേറ്; വീട്ടമ്മക്ക് പരിക്ക്

ഒല്ലൂര്‍: ബൈക്കിലെത്തിയ സംഘം വീടിന് നേരെ നടത്തിയ കല്ലേറില്‍ വീട്ടമ്മക്ക് പരിക്ക്. ചെറുക്കുന്ന് കുറുപ്പംപടി എളന്തോളി തിലക‍​െൻറ വീടിന് നേരെയാണ് കല്ലേറുണ്ടായത്. ഭാര്യ ഷീജക്കാണ് പരിക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച രത്രി 9.30 നാണ് സംഭവം. കല്ലേറിൽ വീടിന് കേടുപറ്റി. ആക്രമികള്‍ ബൈക്കില്‍ രക്ഷപ്പെട്ടു. ഒല്ലൂര്‍ പൊലീസ് അന്വേഷണം ആരംഭിച്ചു. തൊഴിലാളി സംഗമം ഒല്ലൂർ: സി.ഐ.ടി.യു ഒല്ലൂർ ഏരിയ കമ്മിറ്റി സംഘടിപ്പിച്ച തൊഴിലാളി സംഗമം ജില്ല സെക്രട്ടറി യു.പി. ജോസഫ് ഉദ്ഘാടനം ചെയ്തു. ഏരിയ പ്രസിഡൻറ് സി.എസ്. സുദർശനൻ അധ്യക്ഷത വഹിച്ചു. ജില്ല വൈസ് പ്രസിഡൻറ് വാസുദേവൻ നായർ, ടി.വി. ദിവാകരൻ, ടി.എസ്. ബൈജു, സിന്ധു സുബ്രഹ്മണ്യൻ, കെ.ആർ. സെബി എന്നിവർ സംസാരിച്ചു. ഏരിയ സെക്രട്ടറി എൻ.എൻ. ദിവാകരൻ സ്വാഗതവും ബാബു തച്ചനാടൻ നന്ദിയും പറഞ്ഞു.