അഭിമുഖങ്ങളിലൂടെ അപൂർവ നേട്ടവുമായി ജിതീഷ്​

പെരുമ്പിലാവ്: അഭിമുഖങ്ങളിലൂടെ അപൂർവ നേട്ടം കൊയ്ത് ശ്രദ്ധേയനാകുകയാണ് ചാലിശേരി പെരുമണ്ണൂർ കീഴൂട്ട് വീട്ടിൽ ജിതീഷ് . മാധ്യമഗവേഷണ രംഗത്ത് അപൂർവം പേർക്ക് ലഭിക്കുന്ന അമേരിക്കയിലെ നോർത്താംപ്ടൺ ആസ്ഥാനമായി പ്രവർത്തിക്കുന്ന ട്രൈകോണ്ടിന​െൻറൽ ഇൻസ്റ്റിറ്റ്യൂട്ട് ഫോർ സോഷ്യൽ റിസർച് ഏർപ്പെടുത്തിയ 12,000 അമേരിക്കൻ ഡോളറി​െൻറ (8.5 ലക്ഷം) ഒരു വർഷത്തെ ഫെല്ലോഷിപ്പാണ് ജിതീഷിനെ തേടിയെത്തിയത്. ഇന്ത്യയിലെയും മറ്റു രാജ്യങ്ങളിെലയും നാൽപത്തോളം പ്രശസ്തരായ ചിന്തകരെയും മാധ്യമ പ്രവർത്തകരെയും രാഷ്ട്രീയ നേതാക്കളെയും അഭിമുഖം നടത്തിയാണ് നേട്ടം സ്വന്തമാക്കിയത്. ഫ്രണ്ട് ലൈൻ, ഇന്ത്യൻ എകസ്പ്രസ്, ദ വയർ, അമേരിക്കയിലെ മന്ത്ലി റിവ്യൂ തുടങ്ങിയ പ്രസിദ്ധീകരണങ്ങളിൽ പ്രസിദ്ധീകരിച്ച അഭിമുഖങ്ങൾ ട്രൈകോണ്ടിന​െൻറൽ ഇൻസ്റ്റിറ്റ്യൂട്ട് മൂന്ന് പുസ്തകങ്ങളാക്കി പ്രസിദ്ധീകരിക്കും. ആദ്യ പുസ്തകം ഡിസംബറിൽ പുറത്തിറക്കും. പുസ്തകം ഫ്രഞ്ച്, പോർചുഗീസ്, ടർക്കിഷ്, ഹിന്ദി, തെലുങ്ക് തുടങ്ങിയ ഭാഷകളിലേക്ക് വിവർത്തനം ചെയ്യും. മഗ്സസെ അവാർഡ് നേടിയ മാധ്യമപ്രവർത്തകൻ പി. സായിനാഥുമായാണ് ജിതീഷി​െൻറ ആദ്യത്തെ അഭിമുഖം. കഴിഞ്ഞ മാസം ഹരിതവിപ്ലവത്തി​െൻറ പിതാവ് ഡോ. എം.എസ്. സ്വാമിനാഥനുമായാണ് അവസാനം അഭിമുഖം . സാമ്പത്തിക ശാസ്ത്രജ്ഞനും ചിന്തകനുമായ സെനഗലിലെ സമീർ അമീനെ ജീതിഷും സുഹൃത്ത് ജിപ്സണും ഒരുമിച്ച് അഭിമുഖം നടത്തിയത് വേറിട്ട അനുഭവമായി. മാതാവ് ജയലക്ഷ്മി, സഹോദരി രേഷ്മ, അമ്മൂമ്മ നാണിക്കുട്ടിയമ്മ അടങ്ങുന്നതാണ് കുടുംബം. ഇപ്പോൾ ഇൻഫർമേഷൻ പബ്ലിക്ക് റിലേഷൻസ് വകുപ്പിൽ തൃശൂരിൽ ജോലിചെയ്യുന്നു.