ആയുഷ്മാന്‍ ഭാരത്: കേരളത്തില്‍ അട്ടിമറിക്കുന്നത് തോമസ് ഐസക്ക് -ബി.ജെ.പി

എല്ലാവര്‍ക്കും അമേരിക്കയില്‍ പോയി ചികിത്സിക്കാനുള്ള സൗകര്യം ഇല്ലെന്ന കാര്യം ഒാർക്കണം തൃശൂര്‍: കേന്ദ്ര ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരത് നടപ്പാക്കാതെ കേരളത്തില്‍ അട്ടിമറിക്കുന്നത് ധനമന്ത്രി തോമസ് ഐസക്കാണെന്ന് ബി.ജെ.പി സംസ്ഥാന ജനറല്‍ സെക്രട്ടറി എ.എന്‍. രാധാകൃഷ്ണന്‍ വാർത്തസമ്മേളനത്തില്‍ ആരോപിച്ചു. കേന്ദ്ര പദ്ധതികളെ എതിര്‍ക്കുന്നത് തോമസ് ഐസക്കി​െൻറ സ്ഥിരം പതിവാണ്. പലതിലും ചാടിക്കയറി അഭിപ്രായം പറഞ്ഞ് മണ്ടനാവാറുമുണ്ട്. ജി.എസ്.ടി, നോട്ട് നിരോധനം എന്നിവയിലും ഇതു തന്നെയാണ് കണ്ടത്. അഞ്ചു ലക്ഷം രൂപയുടെ കവറേജ് കിട്ടുന്ന പദ്ധതിയെയാണ് കേരളം ഇല്ലാതാക്കുന്നത്. എല്ലാവര്‍ക്കും അമേരിക്കയില്‍ പോയി ചികിത്സിക്കാനുള്ള സൗകര്യം ഇല്ലെന്ന കാര്യം മന്ത്രി ഓര്‍ക്കണം. നിലപാടില്‍ പ്രതിഷേധിച്ച് ഒക്ടോബര്‍ അഞ്ചിന് ആലപ്പുഴയില്‍ തോമസ് ഐസക്കി​െൻറ ഓഫിസിലേക്ക് ബി.ജെ.പി മാര്‍ച്ച് നടത്തുമെന്നും അദ്ദേഹം പറഞ്ഞു.