വഴിയോര കച്ചവട സ്ഥാപനങ്ങൾ പൊളിച്ച് നീക്കിത്തുടങ്ങി

വാടാനപ്പള്ളി: ദേശീയ പാതയോരത്തെ വഴിയോര കച്ചവട സ്ഥാപനങ്ങൾ പൊളിച്ചുമാറ്റൽ തുടങ്ങി. തളിക്കുളത്തെ കടകൾ പൊളിച്ചുമാറ്റിയതിൽ വഴിയോര കച്ചവട തൊഴിലാളി യൂനിയൻ സി.ഐ.ടി.യു നാട്ടിക ഏരിയ കമ്മിറ്റി പ്രതിഷേധിച്ചു. പ്രകടനവും പ്രതിഷേധ കൂട്ടായ്മയും സി.ഐ.ടി.യു നാട്ടിക ഏരിയ സെക്രട്ടറി ഐ.കെ. വിഷ്ണുദാസ് ഉദ്ഘാടനം ചെയ്തു. ഏരിയ പ്രസിഡൻറ് എ.എ. അബു അധ്യക്ഷത വഹിച്ചു. യൂനിയൻ ജില്ല സെക്രട്ടറി കെ. വേണുഗോപാൽ, സംസ്ഥാന കമ്മിറ്റിയംഗം ഷക്കീർ ചേർപ്പ്, ഏരിയ സെക്രട്ടറി പി.കെ. അബ്ദുൽ ജബ്ബാർ, കെ. ബാബു, സെയ്തുമുഹമ്മദ്, ദാസൻ എന്നിവർ സംസാരിച്ചു.