Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightപ്രളയ...

പ്രളയ ദുരിതാശ്വാസത്തിന്​ ഗുരുവായൂർ ക്ഷേത്രത്തിൽ പ്രത്യേക ഭണ്ഡാരം

text_fields
bookmark_border
ഗുരുവായൂർ: പ്രളയക്കെടുതിയിൽനിന്നുള്ള വീണ്ടെടുപ്പിന് കൈത്താങ്ങാകാൻ ഗുരുവായൂർ ക്ഷേത്ര നടയിൽ പ്രത്യേക ഭണ്ഡാരം സ്ഥാപിച്ചു. ഈ ഭണ്ഡാരത്തിൽ നിന്നുള്ള വരുമാനം മുഴുവനും മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറും. മേൽപത്തൂർ ഓഡിറ്റോറിയത്തി​െൻറ വേദിക്ക് സമീപം കിഴക്കെ നടപ്പന്തലിലാണ് ഭണ്ഡാരം സ്ഥാപിച്ചത്. ചെയർമാൻ കെ.ബി. മോഹൻദാസ് ഉദ്ഘാടനം ചെയ്തു. നേരത്തെ ദേവസ്വം ദുരിതാശ്വാസ നിധിയിലേക്ക് അഞ്ച് കോടി രൂപ നൽകിയിരുന്നു. ഭരണ സമിതി അംഗങ്ങളായ എ.വി. പ്രശാന്ത്, പി. ഗോപിനാഥ്, എം. വിജയൻ, ഉഴമാലക്കൽ വേണുഗോപാൽ, കെ.കെ. രാമചന്ദ്രൻ, അഡ്മിനിസ്ട്രേറ്റർ എസ്.വി. ശിശിർ, ഡെപ്യൂട്ടി അഡ്മിനിസ്ട്രേറ്റർ പി. ശങ്കുണ്ണിരാജ് എന്നിവർ സംസാരിച്ചു. ഡിസംബർ 31 വരെയാണ് ഭണ്ഡാരത്തിൽ പണം നിക്ഷേപിക്കാനാവുക. അതിന് ശേഷം ഇതിൽ സംഭാവന സ്വീകരിക്കില്ല. ഇതിനെ ഭണ്ഡാരമായി കാണേണ്ടെന്നും താത്പര്യമുള്ള ഭക്തന്മാർക്കും മറ്റുള്ളവർക്കും പ്രളയദുരിതാശ്വാസത്തിന് സംഭാവന നൽകാനുള്ള സംവിധാനം മാത്രമായി കണ്ടാൽ മതിയെന്നും ചെയർമാൻ പറഞ്ഞു.
Show Full Article
TAGS:LOCAL NEWS 
Next Story