കഞ്ചാവ് വിൽപന പൊലീസിനെ അറിയിച്ചതിന് മര്‍ദനം: പ്രതിക്ക് തടവും പിഴയും

ഇരിങ്ങാലക്കുട: കഞ്ചാവ് ഉപയോഗിക്കുന്ന വിവരവും കഞ്ചാവ് സ്കൂൾ കുട്ടികൾക്ക് വിൽപന നടത്തുന്നുണ്ടെന്ന വിവരവും പൊലീസിനെ അറിയിച്ചതിലുള്ള വൈരാഗ്യം മൂലം പുല്ലൂറ്റ് ചാപ്പാറ കോതായി വീട്ടിൽ അനന്തഗോപാലൻ എന്ന വിഷ്ണുവിനെ മര്‍ദിച്ചകേസിൽ പുല്ലൂറ്റ് വാലത്തറ വീട്ടിൽ അപ്പുവിനെ (24) ഒരു വർഷവും ഏഴ് മാസവും തടവിനും 10,000 രൂപ പിഴ ഒടുക്കുന്നതിനും ഇരിങ്ങാലക്കുട അഡീഷനൽ അസി. സെഷൻസ് ജഡ്ജ് ശിക്ഷ വിധിച്ചു. കൊടുങ്ങല്ലൂർ എസ്.ഐ ആയിരുന്ന പി.കെ. പത്മരാജ‍​െൻറ നേതൃത്വത്തിലാണ് അന്വേഷണം നടത്തി കുറ്റപത്രം സമർപ്പിച്ചത്. കേസിൽ പ്രോസിക്യൂഷൻ ഭാഗത്തുനിന്ന് എട്ട് സാക്ഷികളെ വിസ്തരിക്കുകയും എട്ട് രേഖകൾ ഹാജരാക്കുകയും ചെയ്തു.