പഞ്ചായത്തംഗത്തിനെ വധിക്കാന്‍ ശ്രമം

ചെറുതുരുത്തി: വള്ളത്തോള്‍ നഗർ പഞ്ചായത്തംഗം കെ.ആര്‍. ഗിരീഷിനുനേരെ കത്തി വീശിയ ആളെ നാട്ടുകാര്‍ പിടികൂടി പൊലീസിലേല്‍പിച്ചു. ബുധനാഴ്ച വൈകുന്നേരം കൈപ്പഞ്ചേരികുന്ന് കനാല്‍ പരിസരിത്തുവെച്ചാണ് സംഭവം. ഗിരീഷും ഡി.വൈ.എഫ്‌.ഐ മേഖല സെക്രട്ടറി എം.എ. മന്‍സൂറും കൈപ്പഞ്ചേരി കോളനിയിലെ മരണവീട്ടിലേക്ക് പോകുന്നതിനിടെയാണ് കൈപ്പഞ്ചേരി സ്വദേശി ജീവന്‍ എന്നയാൾ ആക്രമണത്തിന് ശ്രമിച്ചത്. ഗിരീഷിന് ദേഹത്ത് ചെറിയ പരിക്കേറ്റു. ഫോണിലൂടെ ഇയാള്‍ ഗിരീഷിനെ വിളിച്ച് കൊല്ലുമെന്ന് ഭീഷണപ്പെടുത്തിയതി​െൻറ ശബ്ദസംഭാഷണവും പൊലീസിന് നല്‍കിയിട്ടുണ്ട്.