ഹർത്താൽ ദിനത്തിലും ദുരിതാശ്വാസം

തൃശൂർ: ഇന്ധന വില വർധനവിൽ രാജ്യമെങ്ങും സ്തംഭന പ്രതിഷേധം നടത്തുമ്പോൾ, മഹാപ്രളയത്തിൽ ദുരന്തം നേരിട്ടവർക്ക് സഹായവുമായി കോൺഗ്രസ് പ്രവർത്തകർ. പ്രളയത്തിൽ തകർന്ന തലോർ കായൽതോട് ചെർപ്പണത്ത്‌ സുരേന്ദ്ര​െൻറ വീടാണ് ഹർത്താൽ ദിനത്തിൽ കോൺഗ്രസ് പ്രവർത്തകർ വാസയോഗ്യമാക്കിയത്. രാവിലെ തന്നെ മുന്നണി നിർദേശ പ്രകാരമുള്ള പ്രതിഷേധ പരിപാടികൾ പൂർത്തിയാക്കി പ്രവർത്തകർ സേവനത്തിനിറങ്ങുകയായിരുന്നു. ഡി.സി.സി വൈസ് പ്രസിഡൻറ് ജോസഫ് ടാജറ്റ്, നെന്മണിക്കര മണ്ഡലം പ്രസിഡൻറ് കെ.എസ്. കൃഷ്ണൻകുട്ടി, പഞ്ചായത്ത് അംഗം കെ.എ. ജേക്കബ്‌, സി.ഡി. ജോൺ, ജെയ്‌മോൻ ജോൺ, പി.എൽ. ജോസ് എന്നിവർ നേതൃത്വം നൽകി.