സര്‍വിസ് റോഡ് പുനര്‍നിര്‍മിച്ചില്ല

കൊടകര: കുറുമാലിപുഴ ഗതിമാറി ഒഴുകിയതിനെ തുടര്‍ന്ന് തകര്‍ന്ന കൊളത്തൂര്‍ ദേശീയപാതയിലെ സര്‍വിസ് റോഡ് പുനര്‍നിര്‍മിക്കാന്‍ നടപടിയായില്ല. റോഡരിക് 12 അടി താഴ്ചയില്‍ തകര്‍ന്നതോടെ കൊളത്തൂരിലെ രണ്ട് കുടുംബങ്ങള്‍ക്ക് പുറത്തിറങ്ങാന്‍ വഴിയില്ലാതായി. കൊളത്തൂര്‍ സ​െൻററിനും കപ്പേളക്കുമിടയിലാണ് 200 മീറ്ററോളം നീളത്തില്‍ ദേശീയപാതയുടെ സര്‍വിസ് റോഡ് ഇടിഞ്ഞത്്. റോഡിനോടു ചേര്‍ന്ന ചുക്കിരിയാന്‍ ജോണ്‍ എന്നയാളുടെ വീടും ഭാഗികമായി തകർന്നു. വീടി​െൻറ കരിങ്കല്‍ത്തറയാണ് ഇടിഞ്ഞത്. നെടുംപറമ്പിന്‍ ശശി, നെടിയംപറമ്പില്‍ സതീശന്‍ എന്നിവരുടെ വീടുകളിലേക്കുള്ള വഴിയും ഇതോടൊപ്പം ഇടിഞ്ഞു. വഴിയുണ്ടായിരുന്ന ഭാഗത്ത് 12 അടിയോളം താഴ്ചയുള്ള ഗര്‍ത്തമാണ്. സമീപ പറമ്പുകളിലൂടെ കടന്നാണ് ഈ വീട്ടുകാര്‍ പുറത്തിറങ്ങുന്നത്. മൂന്നാഴ്ചയായിട്ടും ദേശീയപാത അധികൃതരോ കരാറുകാരോ തിരിഞ്ഞുനോക്കിയില്ലെന്ന് നെടിയംപറമ്പില്‍ സതീശന്‍ പറഞ്ഞു. പുറത്തുകടക്കാന്‍ പ്രയാസമുണ്ടെങ്കില്‍ തെങ്ങിന്‍തടി കൊണ്ടുള്ള താല്‍ക്കാലിക പാലം ഒരുക്കാനാണ് പരാതിെപ്പട്ടവരോട് അധികൃതര്‍ പറഞ്ഞതത്രെ. കൊടകര ഭാഗത്തുനിന്ന് നെല്ലായി ഭാഗത്തേക്കുള്ള പ്രധാന റോഡി​െൻറ സര്‍വിസ് റോഡാണ് ഇടിഞ്ഞുപോയത്.