ഹർത്താൽ: ജനം സഹകരിക്കണമെന്ന് കോൺഗ്രസ്

തൃശൂർ: പെട്രോളിയം ഉൽപന്നങ്ങൾക്ക് വിലവർധിപ്പിച്ച് കോർപറേറ്റുകൾക്കുവേണ്ടി ജനങ്ങളെ കൊള്ളയടിക്കുന്ന ബി.ജെ.പി സർക്കാറി‍​െൻറ ജനദ്രോഹ നയങ്ങൾക്കെതിരെ കോൺഗ്രസ് തിങ്കളാഴ്ച നടത്തുന്ന ഹർത്താലിൽ പൊതുസമൂഹം സഹകരിക്കണമെന്ന് ഡി.സി.സി പ്രസിഡൻറ് ടി.എൻ. പ്രതാപൻ. രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ. ശനിയാഴ്ച എല്ലാ മണ്ഡലങ്ങളിലും യു.ഡി.എഫ് ഘടകക്ഷികളുമായി സഹകരിച്ച് ഹർത്താൽ വിളംബര ജാഥകളും ഹർത്താൽ ദിനത്തിൽ പ്രതിഷേധ പ്രകടനവും നടത്തുമെന്നും പ്രതാപൻ അറിയിച്ചു.