കരുക്കൾ നീക്കാൻ 467 പേർ: അന്താരാഷ്​ട്ര ചെസ്​ ടൂർണമെൻറ് ഇന്ന് തുടങ്ങും

തൃശൂർ: എൻ.സി. ചുമ്മാർ സ്മാരക ഫിഡെ അന്തർദേശീയ റേറ്റിങ് ഓപൺ ചെസ് ടൂർണെമൻറ് വെള്ളിയാഴ്ച ജൂബിലി മിഷൻ ഹോസ്പിറ്റലിനു എതിർവശമുള്ള പോട്ടോക്കാരൻ സ്റ്റേറ്റിൽ ആരംഭിക്കും. നാല് അന്തർദേശീയ ചെസ് മാസ്റ്റർമാരും 270 അന്തർദേശീയ റേറ്റഡ് ചെസ് താരങ്ങളുമടക്കം 467 കളിക്കാരാണ് ടൂർണമ​െൻറിൽ പങ്കെടുക്കുക. ഒന്നാം സീഡ് തമിഴ്നാടി​െൻറ എ.എൽ. മുത്തയ്യ, കേരളത്തി​െൻറ ഇൻറർനാഷനൽ മാസ്റ്റർ കെ. രത്നാകരൻ, ആൽബർട്ടിയൻ ചാമ്പ്യൻ ശെന്തിൽ മാരൻ, അത്ഭുത ചെസ് പ്രതിഭ ഒമ്പതുവയസ്സുകാരൻ ഇളംപാർത്തി, കേരള ചാമ്പ്യൻ ഒ.ടി. അനിൽകുമാർ, കർണാടക ചാമ്പ്യൻ അരവിന്ദ് ശാസ്ത്രി തുടങ്ങി നിരവധി താരങ്ങൾ അണിനിരക്കുന്ന ടൂർണമ​െൻറിൽ ആകെ എട്ട് റൗണ്ട് സ്വിസ് ലീഗ് മത്സരങ്ങൾ ഉണ്ടാകും. മത്സരങ്ങളുടെ ഉദ്ഘാടനം വെള്ളിയാഴ്ച രാവിലെ പത്തിന് മന്ത്രി വി.എസ്. സുനിൽകുമാർ നിർവഹിക്കും. വിദ്യാഭ്യാസമന്ത്രി രവീന്ദ്രനാഥ് മുഖ്യാതിഥി ആകും. മത്സരങ്ങൾ പത്തിന് സമാപിക്കും.