മൊബൈൽ ടവർ നിർമാണത്തിനെതിരെ സമരം

എരുമപ്പെട്ടി: മുട്ടിയ്ക്കലിൽ മൊബൈൽ ടവർ നിർമാണത്തിന് അനുമതി നൽകിയ നടപടിയിൽ പ്രതിഷേധിച്ച് ആക്ഷൻ കൗൺസിലി​െൻറ നേതൃത്വത്തിൽ പഞ്ചായത്ത് ഒാഫിസിന് മുന്നിൽ ധർണ നടത്തി. പഞ്ചായത്തിലെ എട്ടാം വാർഡിൽ ഉൾപ്പെട്ട മുട്ടിയ്ക്കൽ മോസ്ക് റോഡിന് സമീപത്തെ ജനവാസ കേന്ദ്രത്തിലാണ് റിലയൻസി​െൻറ ടവർ നിർമാണം നടക്കുന്നത്. പ്രദേശവാസികളുടെ എതിർപ്പ് അവഗണിച്ചാണ് പഞ്ചായത്ത് ടവർ സ്ഥാപിക്കാൻ അനുമതി നൽകിയതെന്ന് ആരോപിച്ചാണ് നാട്ടുകാർ ആക്ഷൻ കൗൺസിലി​െൻറ നേതൃത്വത്തിൽ പഞ്ചായത്ത് ഓഫിസിന് മുന്നിൽ ധർണ നടത്തിയത്. സാമൂഹിക പ്രവർത്തക സുലേഖ അബ്ദുൽ അസീസ് ഉദ്ഘാടനം ചെയ്തു. വാർഡ് അംഗം റീന ജോസ് അധ്യക്ഷതവഹിച്ചു. പഞ്ചായത്ത് അംഗം കെ.വി. രാജശേഖരൻ, രജനി, മഞ്ചേഷ് എന്നിവർ നേതൃത്വം നൽകി.