നഗരസഭയിൽ അജൈവ മാലിന്യം ശേഖരണം തുടങ്ങി

കൊടുങ്ങല്ലൂർ: നഗരസഭയിലെ മുഴുവൻ വാർഡുകളിൽനിന്ന് പാഴ് വസ്തുക്കളും, അജൈവ മാലിന്യവും നഗരസഭ ശേഖരിക്കുന്നു. പ്രളയത്തിൽ നശിച്ച കിടക്കകൾ, വിവിധ വീട്ടുപകരണങ്ങൾ, പ്ലാസ്റ്റിക് വസ്തുക്കൾ, കുപ്പികൾ, ട്യൂബ് ലൈറ്റുകൾ, ചെരിപ്പുകൾ, ഇ മാലിന്യങ്ങൾ, തുടങ്ങി എല്ലാ വസ്തുക്കളും ശേഖരിക്കും. വാർഡ് കൗൺസിലർ നിശ്ചയിക്കുന്ന പൊതുവായ കേന്ദ്രത്തിൽ നിശ്ചിത സമയത്തിനകം എത്തിക്കണം. ജൈവ മാലിന്യം പൊതുസ്ഥലങ്ങളിലും റോഡുകളിലും ഒഴിഞ്ഞ പറമ്പുകളിലും വലിച്ചെറിയുന്നത് ശിക്ഷാർഹമാണെന്നും അവ സ്വന്തം വീട്ടിലോ സ്ഥാപനത്തിലോ സംസ്കരിക്കണമെന്നും നഗരസഭ ചെയർമാൻ കെ.ആർ. ജൈത്രൻ ആവശ്യപ്പെട്ടു.