വിദ്യാർഥികൾക്ക്​ കൈത്താങ്ങുമായി മാള ഐ.എസ്.ടി

മാള: പ്രളയത്തിൽ സർവസ്വവും നഷ്ടപ്പെട്ട വിദ്യാർഥികൾക്ക് മാള ഐ.എസ്.ടിയുടെ കൈത്താങ്ങ്. മാള സ​െൻറ് ആൻറണീസ് ഹൈസ്കൂൾ വിദ്യാർഥികൾക്കുള്ള ദുരിതാശ്വാസ സഹായം ചെയർമാൻ ടി.എ. മുഹമ്മദ് മൗലവി പ്രധാനാധ്യാപിക റോസിലിക്ക് കൈമാറി ഉദ്ഘാടനം ചെയ്തു. പി.ടി.എ പ്രസിഡൻറ് സി.ഐ. നൗഷാദ് അധ്യക്ഷത വഹിച്ചു. അധ്യാപിക റീന നന്ദി പറഞ്ഞു. എൻ.എ. ഹസൻ, വി.എസ്. ജമാൽ എന്നിവർ സംബന്ധിച്ചു. ഗ്യാസ് സ്റ്റൗ, സ്കൂൾ ബാഗ് കിറ്റ്, അരി, പച്ചക്കറി, പഞ്ചസാര, തേയില, പയർ, പരിപ്പ്, കടല, പുളി, അവിൽ, ബിസ്കറ്റ് എന്നിവയാണ് നൽകിയത്.