നവതി ആഘോഷം ഒഴിവാക്കി തുക ദുരിതാശ്വാസത്തിന്

അന്തിക്കാട്: പ്രളയക്കെടുതി മൂലം കഷ്ടപ്പെടുന്നവർക്ക് സഹായഹസ്തവുമായി റിട്ട. എൻജിനീയർ. അന്തിക്കാട് ചേർത്തേടത്ത് റിട്ട. എൻജിനീയർ സി.കെ. രാമചന്ദ്രനാണ് ത​െൻറ നവതി ആഘോഷങ്ങൾ ഒഴിവാക്കി ആ തുക ദുരിതമനുഭവിക്കുന്നവർക്ക് നൽകാൻ തീരുമാനിച്ചത്. കൃഷി മന്ത്രി വി.എസ്. സുനിൽകുമാറി​െൻറ വീട്ടിലെത്തി മുഖ്യമന്ത്രിയുടെ ദുരിതാശ്വാസ നിധിയിലേക്ക് അരലക്ഷം രൂപ സി.കെ. രാമചന്ദ്രൻ കൈമാറി. ചടങ്ങിൽ പഞ്ചായത്ത് പ്രസിഡൻറ് എ.വി. ശ്രീവത്സൻ, സി.ജി. പ്രസാദ്, ടി.കെ. മാധവൻ, കെ.എം. കിഷോർ കുമാർ, സുഗുണൻ മാമ്പുള്ളി, സുനിൽകുമാർ വാലപ്പറമ്പിൽ തുടങ്ങിയവർ സംബന്ധിച്ചു.