Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightപ്രളയം: സ്വകാര്യ...

പ്രളയം: സ്വകാര്യ ബസുകളുടെ കാരുണ്യയാത്ര തുടങ്ങി

text_fields
bookmark_border
തൃശൂർ: പ്രളയബാധിതർക്ക് കൈത്താങ്ങ് നൽകുന്നതിനായി സ്വകാര്യ ബസുകളുടെ കാരുണ്യ യാത്ര തുടങ്ങി. കേരള ബസ് ഓപറേറ്റേഴ്സ് ഓർഗനൈസേഷ​െൻറ നേതൃത്വത്തിൽ കോഒാഡിനേഷൻ കമ്മിറ്റിയുടെ കീഴിലുള്ള ബസുകളാണ് ഓടിത്തുടങ്ങിയത്. ദിവസത്തെ വരുമാനം മുഴുവൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറും. തൃശൂർ ആർ.ടി.ഒ കെ.എം. ഉമ്മർ ഉദ്ഘാടനം ചെയ്തു. ബസുടമ നേതാക്കളായ വി.എസ്. പ്രദീപ്, ടി.എ. ഹരിദാസ്, ടി.വി. വർഗീസ്, സി.എം. ജയനാഥ്, വി.പി. ജോണി, എം.എം. ജോൺസൺ, നവീൻ ബേബി എന്നിവർ നേതൃത്വം നൽകി. തൃപ്രയാർ മേഖലയിൽ നടന്ന ദുരിതാശ്വാസ നിധി സമാഹരണ സർവിസ് വലപ്പാട് സി.ഐ ടി.കെ. ഷൈജു ഫ്ലാഗ് ഓഫ് ചെയ്തു. ജില്ല പഞ്ചായത്തംഗം ശോഭ സുബിൻ, നാട്ടിക പഞ്ചായത്ത് പ്രസിഡൻറ് വിനു, ബസുടമ സംഘടനാ നേതാക്കളായ നൗഷാദ് ആറ്റുപറമ്പത്ത്, അജിത് കുമാർ, അലക്സ് തുടങ്ങിയവർ നേതൃത്വം നൽകി. ചാലക്കുടി മേഖലയിൽ ഇൻറർ സ്റ്റേറ്റ് ബസ് ഓപറേറ്റേഴ്സ് സംസ്ഥാന പ്രസിഡൻറ് ജോയ് തോട്ടത്തിൽ ഫ്ലാഗ് ഓഫ് ചെയ്തു. ബിജു, സ്റ്റാബി എന്നിവർ നേതൃത്വം നൽകി.
Show Full Article
TAGS:LOCAL NEWS 
Next Story