തിരുവമ്പാടി ക്ഷേത്രത്തിൽ ശ്രീകൃഷ്ണ ജയന്തി ആഘോഷം

തൃശൂർ: തിരുവമ്പാടി ക്ഷേത്രത്തിൽ ശ്രീകൃഷ്ണ ജയന്തി ഞായറാഴ്ച വിവിധ പരിപാടികളോടെ ആഘോഷിക്കും. രാവിലെ 3.45ന് നടതുറന്ന് നാലിന് വാകച്ചാർത്തോടെ പൂജകൾ ആരംഭിക്കും. 4.30ന് ശിവൻ പെരിങ്ങോട്ടുകര അഷ്ടപദി ആലപിക്കും. രാവിെല ഏഴ് മുതൽ എൻ.കെ. രവിവർമയുടെ ഭക്തിഗാനമഞ്ജരിയുണ്ടാവും. 8.30 മുതൽ 11.30 വരെ അഞ്ചാനകൾ നിരക്കുന്ന ഉഷശീവേലിക്ക് കിഴക്കൂട്ട് അനിയൻ മാരാരുടെ നേതൃത്വത്തിൽ പഞ്ചാരിമേളം നടക്കും. രാത്രി ഒന്നിനാണ് അത്താഴപൂജയും, അത്താഴ ശീവേലിയും.