പരിസ്​ഥിതിലോല പ്രദേശങ്ങളിലെ കെട്ടിട നിർമാണം: സർക്കാർ ഉത്തരവ് സ്വാഗതാർഹം

തൃശൂർ: പ്രകൃതിദുരന്തത്തിൽ നശിച്ച പരിസ്ഥിതിലോല പ്രദേശങ്ങളിലെ കെട്ടിടങ്ങളുടെ പുനർനിർമാണം സംബന്ധിച്ച് കലക്ടർമാർക്കും തദ്ദേശ സ്ഥാപന സെക്രട്ടറിമാർക്കും സർക്കാർ നൽകിയ കർശന നിർദേശം സന്ദർഭോചിതവും പ്രകൃതിദുരന്ത ശേഷമുള്ള കേരളത്തി​െൻറ പരിസ്ഥിതി പുനഃസ്ഥാപന പ്രക്രിയയുടെ ദിശ സൂചിപ്പിക്കുന്നതുമാെണന്ന് ശാസ്ത്രസാഹിത്യ പരിഷത്ത് വിലയിരുത്തി. നവകേരള രൂപവത്കരണ പ്രക്രിയയിൽ വികസന പരിസര സന്തുലനത്തി​െൻറയും സുസ്ഥിര വികസനത്തി​െൻറയും സമീപനം സർക്കാർ പിന്തുടരണം. പ്രത്യേക നിയമസഭ സമ്മേളനത്തിലെ ചർച്ചകൾ അതാണ് സൂചിപ്പിക്കുന്നത്. കേരളത്തി​െൻറ സ്ഥായിയായ വികസനം മുൻനിർത്തി സർക്കാറി​െൻറ ഈ സമീപനത്തിന് കേരള സമൂഹം പിന്തുണ നൽകണം. അതോടൊപ്പം ഗാഡ്ഗിൽ റിപ്പോർട്ട്, നെൽവയൽ തണ്ണീർതട സംരക്ഷണ നിയമം, ഖനന ചട്ടങ്ങളിൽ ഇളവ് വരുത്തിക്കൊണ്ടുള്ള ഭേദഗതി, തീരദേശ വ്യാപനം, കെട്ടിട നിർമാണ ചട്ടങ്ങൾ എന്നിവയുമായി ബന്ധപ്പെട്ട സർക്കാർ നിലപാടുകൾ പുനഃപരിശോധിക്കണമെന്നും പരിഷത്ത് ആവശ്യപ്പെട്ടു.