റോഡ്​ നവീകരിച്ചു

പാവറട്ടി: വെങ്കിടങ്ങ് പഞ്ചായത്ത് മൂന്നാം വാർഡിലെ കിസാൻ റോഡ് മുരളി പെരുനെല്ലി എം.എൽ.എ ഉദ്ഘാടനം ചെയ്തു. എം.എൽ.എയുടെ വികസന ഫണ്ടിൽ നിന്ന് 16.75 ലക്ഷം രൂപ ചെലവഴിച്ചാണ് ടാറിങ്, കാന, കലുങ്ക് എന്നിവ പൂർത്തിയാക്കിയത്. പഞ്ചായത്ത് വൈസ് പ്രസിഡൻറ് കെ.വി. മനോഹരൻ അധ്യക്ഷത വഹിച്ചു. മുല്ലശ്ശേരി ബ്ലോക്ക് പഞ്ചായത്ത് പ്രസിഡൻറ് ലതി വേണുഗോപാൽ, അസി. എൻജിനീയർ വി.കെ. പ്രതീഷ്കുമാർ പദ്ധതി വിശദീകരിച്ചു. സെക്രട്ടറി പി.എസ്. അബ്ദുൽ റസാഖ്, മുല്ലശ്ശേരി ബ്ലോക്ക് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൻ ജിഷ പ്രമോദ്, രത്നവല്ലി സുരേന്ദ്രൻ, വാർഡ് അംഗങ്ങളായ സജ സാദത്ത്, അപ്പു ചീരോത്ത്, ശോഭന മുരളി, ഷാജു അമ്പലത്ത് വീട്ടിൽ, മുൻ ബ്ലോക്ക് വികസന ചെയർമാൻ കെ.എ. ബാലകൃഷ്ണൻ, എ.ടി. അബ്ദുൽ മജീദ്, സി.എം. സുരേഷ് ബാബു, പി.സി. ഷംസു എന്നിവർ സംസാരിച്ചു.