അപ്രോച്ച് റോഡ് അപകടത്തില്‍

ചാവക്കാട്: മാട്ടുമ്മല്‍ കാരക്കടവ് പാലം അപ്രോച്ച് റോഡ് തകർച്ചയുടെ വക്കിലെത്തിയിട്ടും അധികൃതർ നടപടിയെടുക്കുന്നില്ലെന്ന് ആക്ഷേപം. കടപ്പുറം പഞ്ചായത്തിലെ മാട്ടുമ്മല്‍ കാരക്കടവ് ഇരുമ്പ് പാലത്തി​െൻറ അപ്രോച്ച് റോഡാണ് അപകടത്തിലായത്. കാരക്കടവ് പുഴക്ക് മീതെയാണ് ഇരുമ്പ് പാലം നിർമിച്ചിട്ടുള്ളത്. കടപ്പുറം, ഒരുമനയൂര്‍, പഞ്ചായത്തുകളെ ബന്ധിപ്പിക്കുന്ന പാലത്തിലൂടെ നിരവധി വാഹനങ്ങളാണ് ദിനം പ്രതി കടന്നുപോകുന്നത്. പടിഞ്ഞാറുഭാഗത്തെ അപ്രോച്ച് റോഡാണ് മഴയില്‍ മണല്‍ ഒലിച്ചു പോയി അപകടത്തിലായത്. അപ്രോച്ച് റോഡി​െൻറ സംരക്ഷണ ഭിത്തിക്കും വിള്ളല്‍ വന്നിട്ടുണ്ട്. അപകടനില വകവെക്കാതെ വാഹനങ്ങള്‍ ഇതുവഴി കടന്നുപോകുന്നുണ്ട്. അപ്രോച്ച് റോഡി​െൻറ തകര്‍ച്ച പരിഹരിക്കണമെന്ന് നാട്ടുകാർ ആവശ്യപ്പെട്ടു.