തപാൽ ജീവനക്കാരുടെ പണിമുടക്ക് തുടരുന്നു

തൃശൂർ: തപാൽവകുപ്പിലെ ഗ്രാമീൺ ഡാക് സേവക് (ജി.ഡി.എസ്) ജീവനക്കാരുടെ വേതന പരിഷ്കരണം നടപ്പാക്കണമെന്നാവശ്യപ്പെട്ടുള്ള അനിശ്ചിതകാല പണിമുടക്ക് സമരം എട്ടാം നാളിലെത്തി. ജീവനക്കാർ തൃശൂർ പോസ്റ്റൽ സൂപ്രണ്ട് ഓഫിസിന് മുന്നിൽ ധർണ നടത്തി. സി.ഐ.ടി.യു ദേശീയ സെക്രട്ടറി പി.കെ. ഷാജൻ ഉദ്ഘാടനം ചെയ്തു. പോസ്റ്റൽ ആൻഡ് ആർ.എം.എസ്. പെൻഷനേഴ്സ് അസോസിയേഷൻ സംസ്ഥാന സെക്രട്ടറി വി.എ. മോഹനൻ, വി.കെ. ബാലകൃഷ്ണൻ, മഹിള പ്രധാൻ ഏജൻറ്സ് അസോസിയേഷൻ സംസ്ഥാന പ്രസിഡൻറ് സീത ചന്ദ്രൻ, വി.കെ. മോഹനൻ, കെ.കെ. അശോകൻ, കെ.എം. സാജൻ, കെ.വി. സോമൻ, കെ.കെ. വിനോദ് എന്നിവർ സംസാരിച്ചു.