കുതിരാൻ തുരങ്ക നിർമാണം ഇന്ന്​ പുനരാരംഭിക്കും

തൃശൂർ: തുരങ്ക നിർമാണ കമ്പനിക്ക് ദേശീയപാത നിർമാണ കമ്പനി നൽകാനുള്ള 40 കോടി വരുന്ന കുടിശ്ശിക ഘട്ടംഘട്ടമായി നൽകാമെന്ന ഉറപ്പിൽ കുതിരാൻ മലയിലെ തുരങ്ക നിർമാണം തിങ്കളാഴ്ച പുനരാരംഭിക്കും. മന്ത്രി എ.സി. മൊയ്തീൻ ഇടപെട്ടാണ് ധാരണ ഉണ്ടാക്കിയത്. കുടിശ്ശിക വ്യാഴാഴ്ച മുതൽ നൽകി തുടങ്ങി. ആറുവരി പാതയായ മണ്ണുത്തി വടക്കഞ്ചേരി പാതയിൽ 2016 മേയ് 13നാണ് കുതിരാനിൽ ഭൂഗർഭ പാത നിർമാണം ആരംഭിച്ചത്. ഒരു വർഷംകൊണ്ട് നിർമാണം പൂർത്തിയാക്കി സെപ്റ്റംബറിൽ കമീഷൻ ചെയ്യാനാണ് തീരുമാനിച്ചിരുന്നതെങ്കിലും രണ്ട് വർഷമായിട്ടും നിർമാണം പൂർത്തിയാക്കാനായിട്ടില്ല.