തപാൽ സമരം തുടരുന്നു

തൃശൂർ: എൻ.എഫ്.പി.ഇ - എഫ്.എൻ.പി.ഒ സംഘടനകൾ തപാൽ മേഖലയിൽ നടത്തുന്ന അനിശ്ചിതകാല പണിമുടക്ക് തുടരുന്നു. നാലാം ദിവസം തൃശൂർ പോസ്്റ്റൽ സൂപ്രണ്ട് ഓഫിസിനു മുന്നിൽ നടന്ന കൂട്ടധർണ സി.ഐ.ടി.യു സംസ്ഥാന സെക്രട്ടറി എം.എം. വർഗീസ് ഉദ്ഘാടനം ചെയ്തു. കെ.എം. സാജൻ അധ്യക്ഷത വഹിച്ചു. ബെഫി സംസ്ഥാന പ്രസിഡൻറ് ടി. നരേന്ദ്രൻ, നാഷനൽ ഫെഡറേഷൻ ഓഫ് സെൻട്രൽ ഗവ. എംപ്ലോയിസ് സംസ്ഥാന പ്രസിഡൻറ് കെ.ജെ. റാഫി, ബി.എസ്.എൻ.എൽ എംപ്ലോയിസ് യൂനിയൻ ജില്ല സെക്രട്ടറി പി.ആർ. ശങ്കരനാരായണൻ, എൽ.ഐ.സി എംപ്ലോയിസ് യൂനിയൻ ജില്ല സെക്രട്ടറി ദീപക് വിശ്വനാഥൻ, ജോൺസൺ ആവോക്കാരൻ, കെ.കെ. അശോകൻ, പി.എസ്. ബാബുരാജൻ, വി.കെ. മോഹനൻ, ജി. സുനിൽ, ഐ.ബി. ശ്രീകുമാർ എന്നിവർ സംസാരിച്ചു.