Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightപുതുതലമുറക്ക് യക്ഷഗാന...

പുതുതലമുറക്ക് യക്ഷഗാന ശൈലി പരിചയപ്പെടുത്തി രത്തയ ശർമ

text_fields
bookmark_border
ഇരിങ്ങാലക്കുട: ഭാരതത്തിൽ കുച്ചിപ്പുടി യക്ഷഗാന ശൈലിയിൽ പാരമ്പര്യമായി പരിശീലിപ്പിക്കുന്ന 18 കുടുംബങ്ങളിൽ ഏറ്റവും മുതിർന്ന ആചാര്യനായ കുച്ചിപ്പുടി യക്ഷഗാന കുലപതി പശുമാർത്തി രത്തയ ശർമയുടെ നേതൃത്വത്തിൽ കേരളത്തിൽ ആദ്യമായി നടന്ന ശിൽപശാല ഇരിങ്ങാലക്കുടയിൽ സമാപിച്ചു. അദ്ദേഹത്തി​െൻറ പ്രധാന ശിഷ്യയായ ശ്രീലക്ഷ്മി ഗോവർദ്ധന​െൻറ മേൽനോട്ടത്തിലാണ് ഏഴ് ദിവസമായി 22 കലാകാരികൾ ഇവിടെ പരിശീലനം പൂർത്തിയാക്കിയത്. ആന്ധ്രയിലെ കുച്ചിപ്പുടി ഗ്രാമത്തിൽനിന്നാണ് രത്തയ ശർമ ഇരിങ്ങാലക്കുടയിൽ എത്തിയത്. കുച്ചിപ്പുടി യക്ഷഗാനമെന്ന കലാരൂപത്തി​െൻറ അടിസ്ഥാനവും സത്തയുമാണ് ഈ ക്യാമ്പിൽ പരിശീലിപ്പിക്കുന്നത്. കുച്ചിപ്പുടി ഗ്രാമത്തിലുള്ള പരമ്പരാഗത ബ്രാഹ്മണ കുടുംബങ്ങൾ മാത്രം കുലത്തൊഴിലായി ചെയ്ത കുച്ചിപ്പുടി യക്ഷഗാനമായിരുന്ന ഉഷാപരിണയം, എന്ന നാടകം പുനരാവിഷ്‌ക്കരിക്കാനും ഇവിടെ ശ്രമിച്ചിട്ടുണ്ട്. ജാതി-മത- ഭാഷയുടെയും അതിരില്ലാതെ പരിശീലിപ്പിക്കുന്ന ആദ്യത്തെ ശ്രമം കൂടിയാണിതെന്ന് ശ്രീലക്ഷ്മി ഗോവർധൻ പറഞ്ഞു. കേരളത്തി​െൻറ പല ജില്ലകളിൽ നിന്നും ഹൈദരാബാദിൽ നിന്നും ക്യാമ്പൽ പങ്കെടുക്കുവാൻ കലാകാരികൾ എത്തിച്ചേർന്നു.
Show Full Article
TAGS:LOCAL NEWS 
Next Story