തൂത്തുക്കുടി വെടിവെപ്പ്​ പ്രതിഷേധാർഹം ^പരിഷത്ത്​

തൂത്തുക്കുടി വെടിവെപ്പ് പ്രതിഷേധാർഹം -പരിഷത്ത് തൃശൂർ: തമിഴ്നാട്ടിലെ തൂത്തുക്കുടിയിൽ ചെമ്പ് സംസ്കരണം നടത്തുന്ന വേദാന്ത ഗ്രൂപ്പി​െൻറ നേതൃത്വത്തിലുള്ള സ്റ്റെർൈലറ്റ് കമ്പനി ഉയർത്തുന്ന പരിസ്ഥിതി പ്രശ്നത്തിനെതിരെ നൂറു ദിവസമായി സമരം നടത്തുന്നവർക്കെതിെര ഉണ്ടായ പൊലീസ് വെടിവെപ്പും മരണവും ദൗർഭാഗ്യകരവും പ്രതിഷേധാർഹവുമാെണന്ന് കേരള ശാസ്ത്ര സാഹിത്യ പരിഷത്ത് വാർത്തക്കുറിപ്പിൽ പറഞ്ഞു. പരിസ്ഥിതി ആഘാതമുണ്ടാക്കുന്നതിലും മനുഷ്യാവകാശ ലംഘനം നടത്തുന്നതിലും കുപ്രസിദ്ധമായ കമ്പനിയാണ് വേദാന്ത ഗ്രൂപ്. ഒഡിഷയിൽ അവർ നടത്താനിരുന്ന ബോക്സൈറ്റ് ഖനനം പ്രതിഷേധം ഉയർത്തിയിരുന്നു. ഒടുവിൽ സുപ്രീംകോടതി ഇടപെട്ടാണ് അത് അവസാനിപ്പിച്ചത്. ഗുരുതര പരിസ്ഥിതി ആഘാതമുണ്ടാക്കുന്ന ഇത്തരം കമ്പനികളെ േപ്രാത്സാഹിപ്പിക്കുന്ന നയമാണ് കേന്ദ്ര സർക്കാർ നടപ്പാക്കുന്നത്. സർക്കാർ നൽകുന്ന പിന്തുണ മനുഷ്യാവകാശങ്ങൾക്കുമേൽ കടന്നുകയറാനുള്ള അവസരമാക്കുകയാണ് ഇത്തരം കമ്പനികൾ. ഇത്തരം നടപടികളുമായി മുന്നോട്ടുപോകുന്ന കമ്പനികളുടെ പ്രവർത്തനങ്ങൾ നിർത്താൻ കേന്ദ്രസർക്കാർ സത്വര നടപടികൾ കൈക്കൊള്ളണമെന്ന് പരിഷത്ത് ആവശ്യപ്പെട്ടു.