ഇരിങ്ങാലക്കുട നഗരസഭ മുൻ ചെയർമാനെ തട്ടിക്കൊണ്ടുപോയി പണവും ആഭരണവും കവർന്നു

തൃശൂർ: ഇരിങ്ങാലക്കുട നഗരസഭ മുന്‍ ചെയര്‍മാനെ തട്ടിക്കൊണ്ടുപോയി പണവും സ്വര്‍ണ മോതിരവും കവര്‍ന്നു. ഇ.എം. പ്രസന്ന​െൻറ 15,000 രൂപയും ഏഴ് ഗ്രാം തൂക്കം വരുന്ന സ്വര്‍ണ മോതിരവുമാണ് െവള്ളിയാഴ്ച രാത്രി കണിമംഗലം പാടത്തുവെച്ച് കവര്‍ന്നത്. ബന്ധുവിനെ തൃശൂര്‍ കെ.എസ്.ആര്‍.ടി.സി ബസ്സ്റ്റാൻഡില്‍ വിട്ട് ഇരിങ്ങാലക്കുടയിലേക്ക് മടങ്ങാൻ ബസ് കാത്ത് നിൽക്കുന്നതിനിടെ ബൈക്കിലെത്തിയ യുവാവ് കൂടെ കൂട്ടി. ആളൊഴിഞ്ഞ കണിമംഗലം പാടത്തെത്തിയതോടെ ബൈക്ക് നിര്‍ത്തി യുവാവ് പ്രസന്നനെ ഭീഷണിപ്പെടുത്തി പണം ആവശ്യപ്പെടുകയായിരുന്നു. എതിര്‍ക്കാന്‍ ശ്രമിച്ചാല്‍ കൊന്നുകളയുമെന്ന് ഭീഷണിപ്പെടുത്തുകയും ചെയ്തു. ബാഗിലുണ്ടായിരുന്ന പണം നൽകി. സ്വര്‍ണ മോതിരം ഊരാന്‍ കിട്ടാത്തതിനെ തുടര്‍ന്ന് അക്രമി മോതിരം കടിച്ച് പൊട്ടിച്ചാണ് എടുത്തതത്രെ. നെടുപുഴ പൊലീസില്‍ പരാതി നല്‍കി.