പാഴായിപ്പാടം എസ്.സി കോളനി കുടിവെള്ള പദ്ധതി ഉദ്ഘാടനം

കൊടകര: ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി നെൻമണിക്കര ഗ്രാമ പഞ്ചായത്തിലെ ഏഴാം വാർഡിൽ നടപ്പാക്കിയ പാഴായിപ്പാടം എസ്.സി കോളനി കുടിവെള്ള പദ്ധതി മന്ത്രി സി. രവീന്ദ്രനാഥ് ഉദ്ഘാടനം ചെയ്തു. കൊടകര ബ്ലോക്ക് പഞ്ചായത്ത് പ്രസിഡൻറ് അമ്പിളി സോമൻ അധ്യക്ഷത വഹിച്ചു. കോളനിയിലെ 25 കുടുംബങ്ങൾക്ക് പദ്ധതിയുടെ പ്രയോജനം ലഭിക്കും. നെന്മണിക്കര ഗ്രാമപഞ്ചായത്ത് പ്രസിഡൻറ് ഷീല മനോഹരൻ, കൊടകര ബ്ലോക്ക് പഞ്ചായത്ത് വൈസ് പ്രസിഡൻറ് ടി.എസ്. ബൈജു, അംഗം അംബിക സഹദേവൻ, ഗ്രാമപഞ്ചായത്ത് അംഗം അഞ്ജു ചന്ദ്രൻ, തലോർ സർവിസ് സഹകരണ ബാങ്ക് പ്രസിഡൻറ് കെ.എ. അനിൽകുമാർ, ബ്ലോക്ക് പഞ്ചായത്ത് സെക്രട്ടറിയുടെ ചുമതലയുള്ള യു.ജി. സരസ്വതി തുടങ്ങിയവർ സംസാരിച്ചു.