സ്റ്റേറ്റ് ബി സീനിയർ ചെസ് ചാമ്പ്യൻഷിപ്പ്; താരമായി ജോൺപോൾ

തൃശൂർ: സ്റ്റേറ്റ് ബി, സീനിയർ ചെസ് ജില്ല ചാമ്പ്യൻഷിപ്പിൽ താരമായി പത്ത് വയസുകാരൻ ജോൺപോൾ. രണ്ട് ദിവസങ്ങളിലായി തൃശൂരിൽ നടന്ന ചാമ്പ്യൻഷിപ്പിൽ മിന്നും പ്രകടനമായിരുന്നു ജോൺപോളി​െൻറത്. ഏഴ് റൗണ്ടിലായി നടന്ന മത്സരത്തിൽ ഒന്നിലും പരാജയപ്പെടാതെയായിരുന്നു ജോൺപോളി​െൻറ നേട്ടം. ഇതിന് മുമ്പ് പത്ത് വയസ്സിന് താഴെയുള്ളവരിലെ ലോക ചാമ്പ്യനായ നിഹാൽ സരിൻ മാത്രമാണ് ഈ നേട്ടം കരസ്ഥമാക്കിയിട്ടുള്ളത്. 80ലധികം താരങ്ങൾ പങ്കെടുത്ത മത്സരത്തിൽ ജോൺപോളിനെ കൂടാതെ സി.എം. മൻസൂർ, ഒ.എ. രാജു, എം.ആർ. സൂരജ്, കെ.കെ. മണികണ്ഠൻ എന്നിവരാണ് അഞ്ച് സ്ഥാനങ്ങൾ നേടിയത്. 30 മുതൽ ജൂൺ മൂന്ന് വരെ എറണാകുളത്ത് നടക്കുന്ന സ്റ്റേറ്റ് സീനിയർ ചെസ് മത്സരത്തിൽ പങ്കെടുക്കാൻ ജോൺപോൾ യോഗ്യത നേടി.