എട്ട് വയസ്സുകാരിയുടെ തുടര്‍ വിദ്യാഭ്യാസം സര്‍ക്കാര്‍ ഏറ്റെടുത്തു

എരുമപ്പെട്ടി: കുടുംബത്തി​െൻറ ഒരുമിച്ചുള്ള ആത്മഹത്യയെ അതിജീവിച്ച കടങ്ങോട് വില്ലേജില്‍ കൊട്ടിലിപറമ്പില്‍ സുരേഷി​െൻറ മകളായ എട്ട് വയസ്സുകാരിയുടെ തുടര്‍ വിദ്യാഭ്യാസം കേരള സാമൂഹ്യ സുരക്ഷാ മിഷ​െൻറ 'സ്‌നേഹപൂര്‍വം' പദ്ധതിയില്‍ ഉള്‍പ്പെടുത്തി ഉത്തരവ് പുറപ്പെടുവിച്ചതായി ആരോഗ്യ സാമൂഹികനീതി മന്ത്രി കെ.കെ. ശൈലജ തിരുവനന്തപുരത്ത് അറിയിച്ചു. 2017 മാര്‍ച്ച് 27 നാണ് സുരേഷ് ഭാര്യക്കും മൂന്നു പെണ്‍കുട്ടികളോടൊപ്പം ആത്മഹത്യക്ക് ശ്രമിച്ചത്. സുരേഷും ഭാര്യയും രണ്ട് പെൺകുട്ടികളും മരിച്ചു. അതിനെ അതിജീവിച്ച എട്ടു വയസ്സുകാരിയുടെ തുടര്‍ വിദ്യാഭ്യാസമാണ് സര്‍ക്കാര്‍ ഏറ്റെടുത്തത്. ഇപ്പോള്‍ മാതൃപിതാവി​െൻറ സംരക്ഷണയിലാണ് കുട്ടിയുള്ളത്.