ഡിവിഷനൽ സമ്മേളനം നാളെ

തൃശൂർ: ലൈഫ് ഇൻഷുറൻസ് ഏജൻറ്സ് ഫെഡറേഷൻ ഓഫ് ഇന്ത്യ (ലിയാഫി) തൃശൂർ ഡിവിഷനൽ സമ്മേളനം തിങ്കളാഴ്ച നടക്കുമെന്ന് സംസ്ഥാന പ്രസിഡൻറ് കെ.സി. സജീവൻ അറിയിച്ചു. 9.30ന് ഹോട്ടൽ പേൾ റീജൻസിയിൽ വി. മുരളീധരൻ എം.പി ഉദ്ഘാടനം ചെയ്യും. സീനിയർ ഏജൻറുമാരെയും പ്രിതിഭകളെയും വി.ടി. കലൈശെൽവൻ എം.എൽ.എ ആദരിക്കും. തൃശൂർ, പാലക്കാട് ജില്ലകളിലെ പ്രതിനിധികൾ സമ്മേളനത്തിൽ പങ്കെടുക്കും. പോളിസി ഉടമകൾക്ക് ഉയർന്ന ബോണസ് പ്രഖ്യാപിക്കുക, ഇൻഷുറൻസ് പ്രീമിയത്തിന് ഏർപ്പെടുത്തിയ ജി.എസ്.ടി പിൻവലിക്കുക, ഏജൻറ്സ് കമ്മിഷൻ നിരക്ക് ഏകീകരിക്കുക, ഏജൻറുമാരുടെ മക്കൾക്ക് വിദ്യാഭ്യാസ ലോൺ അനുവദിക്കുക തുടങ്ങിയ വിഷയങ്ങൾ ചർച്ച ചെയ്യും. സ്വാഗതസംഘം ചെയർമാൻ എ. ഹരിദാസ്, സി.എൽ. ജോർജ്, ടി.പി. കേരളീയൻ എന്നിവരും വാർത്തസമ്മേളനത്തിൽ പങ്കെടുത്തു.