കലാലയം സാംസ്‌കാരികോത്സവത്തിന് ഇന്ന് തുടക്കം

തൃശൂര്‍: 'മാറ്റിനിര്‍ത്തപ്പെട്ടവര്‍ പങ്ക് ചോദിക്കുന്നു'എന്ന പ്രമേയത്തില്‍ കലാലയം സാംസ്‌കാരിക വേദിയുടെ കീഴില്‍ നടക്കുന്ന നാല് ദിവസത്തെ സാംസ്‌കാരികോത്സവത്തിന് ഞായറാഴ്ച തൃശൂരില്‍ തുടക്കമാകും. തൃശൂർ ടൗൺഹാളിൽ നടക്കുന്ന പരിപാടിയിൽ 34 സെഷനുകളിലായി നൂറിലേറെ അതിഥികള്‍ സംബന്ധിക്കും. ഞായറാഴ്ച വൈകിട്ട് മൂന്നിന് സമ്മേളനം കൃഷിമന്ത്രി വി.എസ്. സുനില്‍കുമാര്‍ ഉദ്ഘാടനം ചെയ്യും. സാഹിത്യകാരന്‍ വൈശാഖന്‍ മുഖ്യാതിഥിയാകും. കെ.പി. രാമനുണ്ണി മുഖ്യപ്രഭാഷണം നടത്തും. കുഞ്ഞിക്കണ്ണന്‍ വാണിമേല്‍ സാംസ്‌കാരിക പ്രഭാഷണം നടത്തും. വൈകിട്ട് കവിയരങ്ങ് നടക്കും. തിങ്കളാഴ്ച നടക്കുന്ന പഠനശാല പ്രമുഖ സാമൂഹിക പ്രവര്‍ത്തകനും എഴുത്തുകാരനുമായ രാം പുനിയാനി ഉദ്ഘാടനം ചെയ്യും. ഓണ്‍ലൈനായി പേര് രജിസ്റ്റര്‍ ചെയ്ത ബിരുദ വിദ്യാര്‍ഥികള്‍ക്കും അതിന് മുകളിലുള്ളവര്‍ക്കുമാണ് പ്രവേശനം. സാംസ്‌കാരികോത്സവത്തി​െൻറ ഭാഗമായി മലയാളത്തിലെ അമ്പതോളം പ്രസാധകര്‍ പങ്കെടുക്കുന്ന പുസ്തകോത്സവം സംഘടിപ്പിച്ചിട്ടുണ്ട്.