'വൈകിയെന്ന കാരണത്താൽ കൗൺസിൽ ബഹിഷ്​ക്കരിച്ചത്​ മര്യാദകേട്​'

' കൊടുങ്ങല്ലൂർ: തുടങ്ങാൻ വൈകിയെന്ന കാരണത്താൽ കൗൺസിൽ ബഹിഷ്ക്കരിച്ചത് രാഷ്ടീയ മര്യാദ കേടാണെന്ന് കൊടുങ്ങല്ലൂർ നഗരസഭ അധ്യക്ഷൻ കെ.ആർ. ജൈത്രൻ പറഞ്ഞു. കഴിഞ്ഞ ദിവസം കൊടുങ്ങല്ലൂർ നഗരസഭ കൗൺസിൽ യോഗം പ്രതിപക്ഷ നിരയിലെ ബി.ജെ.പി ബഹിഷ്ക്കരിച്ചതിനും കോൺഗ്രസ് ഇറങ്ങി പോയതിനുമെതിരെയാണ് അധ്യക്ഷ‍​െൻറ പ്രസ്താവന. നഗരസഭയുമായി ബന്ധപ്പെട്ട ഒരു തർക്കവിഷയം പറഞ്ഞ് പരിഹരിക്കേണ്ടി വന്നതിനാലാണ് യോഗം 20 മിനിറ്റ് വൈകിയതെന്ന് അദ്ദേഹം വാർത്ത കുറിപ്പിൽ വിശദീകരിച്ചു. വാട്ടർ അതോറിറ്റിയുടെ പൈപ്പുകൾ തുടർച്ചയായി നാല് ദിവസം പൊട്ടിയതാണ് ശുദ്ധജല ക്ഷാമമുണ്ടാക്കിയത്. മൂന്ന് വാട്ടർ ടാങ്കറുകളിൽ കുടിവെള്ള ക്ഷാമം രൂക്ഷമായ 12 വാർഡുകളിൽ തുടർച്ചയായി വിതരണം ചെയ്തത് ജനങ്ങൾക്കിടയിൽനിന്ന് നല്ല പ്രതികരണമാണ് ലഭിച്ചത്. ഇൗ കാര്യം പറഞ്ഞുള്ള ഇറങ്ങിപോക്ക് രാഷ്ടീയ പ്രേരിതമാണ്ണെന്നും ചെയർമാൻ കെ.ആർ. ജൈത്രൻ വാർത്ത കുറിപ്പിൽ അറിയിച്ചു.