നൂറുശതമാനംവിജയം

മാള: മേഖലയിലെ സർക്കാർ വിദ്യാലയങ്ങള്‍ക്ക് എസ്.എസ്.എല്‍.സി പരീക്ഷാഫലത്തില്‍ മികച്ച നേട്ടം. പുത്തന്‍ചിറ ഗവ. വൊക്കേഷനല്‍ ഹയര്‍ സെക്കൻഡറി സ്കൂളിൽ പരീക്ഷയെഴുതിയ 80 പേരും വിജയിച്ചു. ഒരാൾ എല്ലാ വിഷയങ്ങളിലും എ പ്ലസ് നേടി. കുഴൂര്‍ പഞ്ചായത്തിലെ രണ്ട് സർക്കാർ ഹൈസ്കൂളുകളും മികച്ച നേട്ടം കൈവരിച്ചു. കുഴൂര്‍ ഗവ. ഹൈസ്കൂളില്‍ പരീക്ഷ എഴുതിയ 30 കുട്ടികളില്‍ എല്ലാവരും വിജയിച്ചു. ഐരാണിക്കുളം ഗവ. ഹയര്‍ സെക്കൻഡറി സ്കൂളില്‍ പരീക്ഷയെഴുതിയ 14 പേരും മികച്ച രീതിയില്‍ വിജയിച്ചു.