കാട്ടുപോത്തിെൻറ ആക്രമണത്തിൽ ആദിവാസിക്ക് ഗുരതര പരിക്ക്

അതിരപ്പിള്ളി: മലക്കപ്പാറയിൽ ആദിവാസിയായ വയോധികന് കാട്ടുപോത്തി​െൻറ ആക്രമണത്തിൽ ഗുരുതര പരിക്കേറ്റു. മലക്കപ്പാറ കപ്പായം കോളനിയിലെ വീരനാണ് (75) പരിക്കേറ്റത്. ബുധനാഴ്ച രാത്രി ഏഴ് മണിയോടടുത്ത് ഷേക്കൽമുടി ഭാഗത്താണ് ആക്രമണം ഉണ്ടായത്. കൂടെയുണ്ടായിരുന്നയാൾ ഓടിരക്ഷപ്പെട്ടു. പൂപ്പാറയിലെ മക​െൻറ വീട്ടിൽ പോയി തിരിച്ചു വരികയായിരുന്നു ഇയാൾ. രണ്ട് കാലിനും പരിക്കേറ്റ ഇയാളെ രാവിലെ ഏേഴാടെ ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചു. തുടർന്ന് തൃശൂർ മെഡിക്കൽ കോളജ് ആശുപത്രിയിലേക്ക് മാറ്റി.