യു.ഡി.എഫ് കലക്ടറേറ്റ് പിക്കറ്റിങ് എട്ടിന്

തൃശൂർ: വരാപ്പുഴ ശ്രീജിത്തി​െൻറ കസ്റ്റഡി മരണം സി.ബി.ഐ അന്വേഷിക്കുക, ഇന്ധന വില വർധന പിൻവലിക്കുക, ആക്രമണ രാഷ്ട്രീയം അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് യു.ഡി.എഫ് ജില്ല കമ്മിറ്റി നേതൃത്വത്തിൽ എട്ടിന് രാവിലെ 10ന് കലക്ടറേറ്റ് പിക്കറ്റിങ് സമരം നടത്താൻ യു.ഡി.എഫ് ജില്ല കമ്മിറ്റിയുടെയും നിയോജകമണ്ഡലം ചെയർമാൻ, കൺവീനർ എന്നിവരുടെയും സംയുക്ത യോഗം തീരുമാനിച്ചു. ഡി.സി.സി പ്രസിഡൻറ് ടി.എൻ. പ്രതാപൻ ഉദ്ഘാടനം ചെയ്തു. ജില്ല ചെയർമാൻ ജോസഫ് ചാലിശേരി അധ്യക്ഷത വഹിച്ചു.