'ജനകീയ സമരങ്ങളെ അടിച്ചമർത്തുന്ന ധാർഷ്​ട്യം അവസാനിപ്പിക്കണം'

ചാവക്കാട്: ജനകീയ സമരങ്ങളെ അടിച്ചമർത്തുന്ന ഇടതു സർക്കാറി​െൻറ ധാർഷ്ട്യം അവസാനിപ്പിക്കണമെന്ന് വെൽഫെയർ പാർട്ടി സംസ്ഥാന ജനറൽ സെക്രട്ടറി സുരേന്ദ്രൻ കരിപ്പുഴ. ജനകീയ സമരങ്ങളെ വേട്ടയാടുന്ന ഇടതു സർക്കാറിനെതിരെ വെൽഫെയർ പാർട്ടി സംഘടിപ്പിക്കുന്ന രാഷ്ട്രീയ വിശദീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. ജില്ല പ്രസിഡൻറ് എം.കെ. അസ്ലം അധ്യക്ഷത വഹിച്ചു. സംസ്ഥാന സമിതിയംഗം ഗണേഷ് വടേരി മുഖ്യപ്രഭാഷണം നടത്തി. ജില്ല ജനറൽ സെക്രട്ടറി സി.എ. ഉഷാകുമാരി, ഗുരുവായൂർ മണ്ഡലം പ്രസിഡൻറ് അബൂബക്കർ കുഞ്ഞി, കുന്നംകുളം മണ്ഡലം പ്രസിഡൻറ് പി.എ. ബദറുദ്ദീൻ, മണലൂർ മണ്ഡലം പ്രസിഡൻറ് ഷരീഫ് അബ്ദുല്ല എന്നിവർ സംസാരിച്ചു.