അന്തിക്കാട് ബ്ലോക്കിൽ കിസാൻ കല്യാൺ കാര്യശാല പദ്ധതി

അന്തിക്കാട്: കേന്ദ്ര കൃഷി വകുപ്പ് നടപ്പാക്കുന്ന കിസാൻ കല്യാൺ കാര്യശാല പദ്ധതിയുടെ അന്തിക്കാട് ബ്ലോക്ക് പഞ്ചായത്തുതല ഉദ്ഘാടനം ഗീതാഗോപി എം.എൽ.എ നിർവഹിച്ചു. ബ്ലോക്ക് പഞ്ചായത്ത് പ്രസിഡൻറ് പി.സി. ശ്രീദേവി അധ്യക്ഷത വഹിച്ചു. കേന്ദ്ര ധനവകുപ്പ് ഡെപ്യൂട്ടി സെക്രട്ടി കെ. സുരേഷ് കുമാർ പദ്ധതി വിശദീകരിച്ചു. ആത്മ അവാർഡ് നേടിയ രാജൻ വാലത്തിനെ ഷീബ മനോഹരൻ ആദരിച്ചു. ജില്ല പഞ്ചായത്തംഗം സിജി മോഹൻദാസ് ,ബ്ലോക്ക് വൈസ് പ്രസിഡൻറ് പി.ബി. ഹരിദാസ്, പഞ്ചായത്ത് പ്രസിഡൻറുമാരായ സുജാത മോഹൻദാസ്, വി.ആർ. ബിജു, വിജി ശശി, ശുഭ സുരേഷ്, വി.എൻ. സുർജിത്ത്, കെ.കെ. രാജേന്ദ്രബാബു. കൃഷി വിജ്ഞാൻ കേന്ദ്രം അസി. പ്രഫ.ഡോ.സുമാ നായർ, അന്തിക്കാട് ക്ഷീര വികസന ഓഫിസർ ടി. നന്ദിനി, വിവിധ രാഷ്ട്രീയ കക്ഷി പ്രതിനിധികൾ തുടങ്ങിയർ സംസാരിച്ചു. സ്ഥിരം സമിതി അധ്യക്ഷ മേനുജ പ്രതാപൻ സ്വാഗതവും. അന്തിക്കാട് കൃഷി അസി.ഡയറക്ടർ വി.ആർ. നരേന്ദ്രൻ നന്ദിയും പറഞ്ഞു.