സമസ്ത ജില്ല പ്രതിനിധി സംഗമം

കൊടുങ്ങല്ലൂർ: സമസ്ത നൂറാം വാർഷിക ആദർശ കാമ്പയിൻ ജില്ല പ്രതിനിധി സംഗമം ജില്ല സെക്രട്ടറി എം.എം. മൊഹിയുദ്ദീൻ മുസ്ലിയാർ ഉദ്ഘാടനം ചെയ്തു. ജില്ല പ്രസിഡൻറ് എസ്.എം.കെ. തങ്ങൾ അധ്യക്ഷത വഹിച്ചു. ഇസ്മായിൽ റഹ്മാനി മുഖ്യ പ്രഭാഷണം നടത്തി. 'നേർവഴിയുടെ താവഴി' എന്ന വിഷയത്തിൽ അബ്ദുൽ ഹമീദ് ഫൈസി അമ്പലക്കടവ് ക്ലാസ് നയിച്ചു. എൻ.പി. അബ്ദുൽ കരീം ഫൈസി, ഇൽയാസ് ഫൈസി, മുഹമ്മദ് കുട്ടി ബാഖവി തുടങ്ങിയവർ സംസാരിച്ചു. ഉമർ ഫൈസി വില്ലന്നൂർ സ്വാഗതവും എം. മുഹമ്മദ് കുട്ടി മുസ്ലിയാർ നന്ദിയും പറഞ്ഞു.