സാമൂഹികനീതി ഒാഫിസിനു മുന്നിൽ ധർണ

തൃശൂർ: മൂക-ബധിരരുടെ സംഘടനയായ എസ്.കെ.സി.പി ജില്ല സാമൂഹിക നീതി ഒാഫിസിനു മുന്നിൽ ധർണ നടത്തി. മുസ്ലിം ലീഗ് ദേശീയ സമിതിയംഗം കരിം പന്നിത്തടം ഉദ്ഘാടനം ചെയ്തു. ഭിന്നശേഷിക്കാരുടെ പ്രശ്നങ്ങളിൽ സാമൂഹിക നീതി ഉറപ്പു വരുത്തണമെന്നും അവരുടെ ജീവിത നിലവാരം മെച്ചപ്പെടുത്തണമെന്നും അദ്ദേഹം ആവശ്യപ്പെട്ടു. സംസ്ഥാന പ്രസിഡൻറ് പി.എ. ബദറുദ്ദീൻ അധ്യക്ഷത വഹിച്ചു. ജോസ് ആൻറണി തട്ടിൽ മുഖ്യാതിഥിയായിരുന്നു. പി.എം.എ. ഷെരീഫ് മുഖ്യപ്രഭാഷണം നടത്തി. ജനറൽ സെക്രട്ടറി കെ.വി. അബ്ദുൽ ജലീൽ, കെ.ബി. രതീഷ്, കരിയന്നൂർ നവരാജ്, സെക്രട്ടറി ഷിഹാബ്, ജിംഷാദ്, ഡെനിസ്, ഷാഫി, അലി, സ്വപ്ന, ജൂബി, സൽവ എന്നിവർ നേതൃത്വം നൽകി.