വായനശാല വാർഷികം

എരുമപ്പെട്ടി: നെല്ലുവായ് ഗ്രാമീണ വായനശാല 65-ാം വാർഷികം ജില്ല പഞ്ചായത്ത് പ്രസിഡൻറ് മേരി തോമസ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡൻറ് എസ്. ബസന്ത് ലാൽ അധ്യക്ഷത വഹിച്ചു. ഡോ. എൻ.എം. ശാന്ത മുഖ്യ പ്രാഭാഷണം നടത്തി. മത്സര വിജയികൾക്ക് പഞ്ചായത്ത് പ്രസിഡൻറ് മീനശലമോൻ സമ്മാനദാനം നടത്തി. ആദരിച്ചു വേലൂർ: വേലൂർ അഞ്ജലി അംഗൻവാടിയിൽനിന്ന് വിരമിക്കുന്ന പി.വി. നളിനിയെ നാട്ടുകാർ ആദരിച്ചു. 'നളിനം'എന്ന പേരിൽ നടന്ന ചടങ്ങ് ജില്ല പഞ്ചായത്ത് പ്രസിഡൻറ് മേരി തോമസ് ഉല്ഘാടനം ചെയ്തു. ഷീബ ഗോപി അധ്യക്ഷത വഹിച്ചു. ബ്ലോക്ക് പഞ്ചായത്തംഗം കുര്യാക്കോസ് ജോൺ, വാർഡംഗം സതീഷ്, ടി.ആർ. ഷോബി, പി.ആർ. മോഹനൻ, സുമതി, സുരേഷ് പുതുക്കുളങ്ങര, വി.എം. മനേഷ് എന്നിവർ സംസാരിച്ചു. തുടർന്ന് വിദ്യർഥികളുടെയും പൂർവവിദ്യാർഥികളുടെയും കലാപരിപാടികളും അംഗൻവാടി കുട്ടികളുടെ അമ്മമാർ അവതരിപ്പിച്ച തിരുവാതിരക്കളിയും അരങ്ങേറി.