പൈപ്പ് പൊട്ടി വെള്ളം പാഴാകുന്നു

പുന്നയൂര്‍ക്കുളം: നാട് രൂക്ഷമായ കുടിവെള്ള ക്ഷാമത്താൽ നെട്ടോട്ടമോടുമ്പോൾ പഞ്ചായത്ത് ഒാഫിസിനു മുന്നിൽ . ആൽത്തറയിലെ പുന്നയൂർക്കുളം പഞ്ചായത്ത് ഒാഫിസിന് മുന്നിലാണ് വാട്ടർ അതോറിറ്റിയുടെ ശുദ്ധജല വിതരണ പൈപ്പ് പൊട്ടിയത്. പഞ്ചായത്തിന് കീഴിൽ പ്രദേശത്തെ കാന നവീകരിക്കുന്നതിനിടയിലാണ് പൈപ്പ് പൊട്ടിയതെന്നാണ് നാട്ടുകാരുടെ ആക്ഷേപം. കുടിവെള്ളം രൂക്ഷമായ മേഖലയിലേക്ക് വെള്ളമെത്തിക്കുന്ന പൈപ്പാണിത്. നാളുകളായി വെള്ളം പാഴാകാൻ തുടങ്ങിയിട്ടെങ്കിലും പരിഹാരത്തിനായി പഞ്ചായത്ത് ഭരണ സമിതിയും ജനപ്രതിനിധികളും ഇടപെടുന്നില്ലെന്നും നാട്ടുകാർ പറയുന്നു. റോഡുവക്കിലെ കാന നവീകരിച്ച ശേഷം സ്ലാബിട്ട് മൂടി ടൈൽ വിരിച്ചാണ് മോടിപിടിപ്പിച്ചിട്ടുള്ളത്. പൈപ്പ് പൊട്ടിയത് കാനക്ക് അകത്താണെന്നും ഇത് പരിഹരിക്കാൻ ടൈൽ വീണ്ടും പൊളിക്കേണ്ടതുണ്ട്.