ഭക്​തി സാന്ദ്രമായ ചടങ്ങുകളോടെ ദുഃഖവെള്ളിയാഴ്ച ആചരിച്ചു

ഒല്ലൂർ: യേശുവി​െൻറ കുരിശുമരണ സ്മരണകൾ പുതുക്കി ൈക്രസ്തവർ ദുഃഖവെള്ളിയാഴ്ച ആചരിച്ചു. ദേവാലയങ്ങളിൽ പ്രത്യേക പ്രാർഥന ശുശ്രൂഷകൾ നടന്നു. വൈകീട്ട് നടന്ന നഗരികാണിക്കൽ ചടങ്ങുകൾക്കും നൂറുകണക്കിന് വിശ്വാസികൾ പങ്കെടുത്തു. ഒല്ലൂർ മേരിമാത പള്ളിയിൽ നടന്ന ചടങ്ങുകൾക്ക് വികാരി ഫാ. ജോസ് തെക്കേക്കര മുഖ്യകാർമികനായിരുന്നു. വൈകീട്ട് നടന്ന നഗരി കാണിക്കൽ ശുശ്രൂഷയിൽ സന്യാസിനികൾ ഉൾപ്പെടെയുള്ളവർ കുരിശ് ചുമന്നു. ഞായറാഴ്ച ഈസ്റ്റർ ആഘോഷത്തോടെ വലിയ നോമ്പിന് സമാപനമാകും.