സഹായ വിതരണം

പുത്തൻചിറ: സമസ്ത കോ-ഓഡിനേഷ​െൻറ ആഭിമുഖ്യത്തിൽ രണ്ടാംഘട്ട വിവാഹ ധന നടത്തി. സംഗമം മാള റേഞ്ച് ജംഇയ്യത്തുൽ മുഅല്ലിമീൻ പ്രസിഡൻറ് ജസീർ ദാരിമി ഉദ്ഘാടനം ചെയ്തു. പുത്തൻചിറ സമസ്ത കോ-ഓഡിനേഷൻ ചെയർമാൻ അബൂബക്കർ ബാഖവി അധ്യക്ഷത വഹിച്ചു. പുത്തൻചിറ പഞ്ചായത്ത് പ്രസിഡൻറ് വി.എ. നദീർ വിതരണോദ്ഘാടനം നിർവഹിച്ചു. സുഹൈൽ വാഫി, അബ്ദുൽ ഹമീദ് മൗലവി, നവാസ് റഹ്മാനി, സിറാജുദ്ദീൻ ഫൈസി, സ്വാദിഖ് റഹ്മാനി, അബ്ദുൽ മജീദ് മൗലവി, കബീർ ഫൈസി, മുസമ്മിൽ റഹ്മാനി, അബ്ദുസ്സമദ് ദാരിമി, അബ്ദുൽ അസീസ് ഹാജി, വി.എം. അലി, ഹുസൈൻ എന്നിവർ സംസാരിച്ചു. കെട്ടിട നികുതി മാള: പഞ്ചായത്തിൽ കെട്ടിട നികുതി 31ന് മുമ്പ് അടക്കുന്നവർക്ക് പിഴപ്പലിശ ഒഴിവാക്കിയതായി അധികൃതർ അറിയിച്ചു. നികുതിദായകർ തുക അടച്ച് ജപ്തി, പ്രോസിക്യൂഷൻ നടപടികളിൽനിന്ന് ഒഴിവാകണം. ഞായറാഴ്ചയും ഓഫിസ് പ്രവർത്തിക്കും.